„სტრასბურგი საქართველოდან გაგზავნილ სარჩელებს ვეღარ აუვა“ – სალომე ზურაბიშვილი

საქართველოს მეხუთე პრეზიდენტმა, სალომე ზურაბიშვილმა, „სტრატეგია აღმაშენებლის“ ოფისში სტუმრობისას, მედიასთან კომენტარი გააკეთა,

მისი თქმით, აქართველოს უახლეს ისტორიას ამდენი პოლიტ პატიმარი არ ახსოვს.

„ის, რაც ხდება, სრულიად წარმოუდგენელია იმ ქვეყანაში, რომელიც ეკუთვნის ევროპას, მიდის ევროპისკენ და უთუოდ წავა ევროპისკენ.

ამ სივრცეში, ადამიანის უფლებების ასეთი დარღვევები, კონსტიტუციის, პრაქტიკულად ყველა მუხლის დარღვევა… მგონია, რომ სტრასბურგი ვეღარ აუვა აქიდან წასულ სარჩელებს.

ამ ქვეყანაში რომ მოვდიოდი, არასდროს ვიფიქრებდი, რომ აქამდე მივიდოდით“, – თქვა ზურაბიშვილმა.

შეგახსენებთ, ცოტა ხნის წინ, „სტრატეგია აღმაშენებლის“ ლიდერს, გიორგი ვაშაძეს 7 თვით პატიმრობა მიესაჯა.