თბილისის საქალაქო სასამართლომ ეკონომიკის და მდგრადი განვითარების მინისტრის ყოფილ პირველ მოადგილეს, რომეო მიქაუტაძეს აღკვეთის ღონისძიების სახით პატიმრობა შეუფარდა.
რომეო მიქაუტაძის თქმით, მას დანაშაულის ჩადენისა და კანონსაწინააღმდეგო ქმედების სურვილი არ ჰქონია და არც ექნება.
“ჩემი ცხოვრების, ჩემი საქმიანობის 24 წელი, მიმაჩნია, რომ მაქვს წარმატებული კარიერა, სხვადასხვა პოზიციაზე. ყველა სასწავლებელი მაქვს დამთავრებული წარჩინებით, მყავს ოჯახი და ვარ ღირსების ორდენოსანი. ჩემი მხრიდან რაიმე ტიპის დანაშაულის ჩადენის ან რაიმე კანონსაწინააღმდეგო ქმედების განზრახვა არც არასდროს მქონია, არც მაქვს და არც მექნება მომავალში. დარწმუნებული ვარ, სასამართლოს სიჯანსაღეში და იმაში, რომ ეს ყველაფერი იქნება შეჯიბრებითობაზე დაფუძნებული, რაშიც ეჭვის შეტანის საფუძველი არ გამაჩნია“, – განაცხადა მიქაუტაძემ.
შეგახსენებთ, ეკონომიკის მინისტრის ყოფილ მოადგილეს, რომეო მიქაუტაძეს აღკვეთის ღონისძიების სახით პატიმრობა შეეფარდა.
გამოძიება რომეო მიქაუტაძეს სამსახურებრივი უფლებამოსილების ბოროტად გამოყენებასა მილიონობით ლარის უკანონო შემოსავლის ლეგალიზებას ედავება.