ლაგოდეხში 57 წლის კაცი მოკლეს.
როგორც ადგილობრივები ამბობენ, შემთხვევა ვაშლოვანის ქუჩაზე დილით მოხდა.
სავარაუდოდ ნასვამ მდგომარეობაში მყოფ ორ პირს შორის, დაპირისპირება ყოფით ნიადაგზე დაიწყო, რა დროსაც ერთმა მეორეს ცივი იარაღით ჭრილობა მიაყენა.
დაჭრილი მამაკაცი სასწრაფო სამედიცინო დახმარების ჯგუფმა ლაგოდეხის “არქიმედეს” კლინიკაში გადაიყვანა, თუმცა მისი გადარჩენა ვერ მოხერხდა.
არსებული ინფორმაციით, ბრალდებული დაკავებულია. შსს-მ გამოძიება საქართველოს სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.