ჟურნალისტი ვახო სანაია სოციალურ ქსელში აქვეყნებს პოსტს, რომელიც დიქტატორული მმართველობის წესს ეხება.
„დიქტატურაში ყველაფერი ეკუთვნის დიქტატორს.
კორუფციაში ჩაძირულო სულელო ქოცებო, თქვენ რომ გგონიათ ქონება დააგროვეთ, სინამდვილეში ის თქვენ არ გეკუთვნით.
არ ის სახლებია თქვენი, რომელშიც ცხოვრობთ;
არც ის მანქანები, რომლებზეც სხედხართ;
არც ის სამკაულები, რომლებსაც ატარებთ;
არც თქვენი შვილების უცხოეთში სწავლაა თქვენზე დამოკიდებული;
არც საკუთარი თავი გეკუთვნით, რადგან ის ციხეს ეკუთვნის.
ახლავე აგიხსნით მარტივად.
დიქტატორი მართავს კლანების მეშვეობით. დღეს ერთი კლანი სჭირდება, ხვალ – მეორე. როცა რომელიმე კლანი აღარ სჭირდება და გამოცვლის, იმ ნახმარ კლანს დედა ეტირება დაწინაურებული კლანის ხელით. მოძულებული კლანის მეთაურის ქვემოთ ვინცა ხართ, თქვენც იმავე ბედს გაიზიარებთ, რადგან ქონება თავიდან უნდა გადანაწილდეს.
ასეთ დროს პრინციპი – ,,მე ჭკვიანად მოვიქცევი და გადავრჩები”, არ მუშაობს. ქონება უბრუნდება დიქტატორს, რომელიც მას გადასცემს სხვა კლანს – ცხადია, დროებით, ვიდრე მასაც დედას უტირებს. აი, კლანებისა და ფავორიტების ცვლილება კი გარდაუვალი, აუცილებელი და ხშირი მოვლენაა.
ვერ გადარჩებით – ყველაფერს დაკარგავთ და წახვალთ ციხეში, თქვენს ,,ნაწვალებს” კი სხვა კორუმპირებულები დაეპატრონებიან გარკვეული პერიოდით ახალი ფავორიტის გამოჩენამდე.
მიეხმარეთ, მიეხმარეთ დიქტატურას, უფრო ადვილად გაკულაკდებით. სამოქალაქო სექტორის განადგურებას რომ ნატრობთ, მერე იმასაც ვერ გაიგებს ხალხი, რომ დედა გიტირათ დიქტატორმა.
ნეტა კიდევ რამდენი მაგალითი გჭირდებათ?!“, – წერს ის.
შეგახსენებთ, სახელმწიფო უსაფრთხოების სამსახურის ცნობით, დაკავებულია ეკონომიკის მინისტრის ყოფილი მოადგილე, რომეო მიქაუტაძე.
უწყების ინფორმაციით, „ანტიკორუფციული სააგენტოს თანამშრომლების მიერ ჩატარებული ოპერატიულ-სამძებრო და საგამოძიებო მოქმედებების შედეგად, სამსახურებრივი უფლებამოსილების ბოროტად გამოყენებისა და მილიონობით ლარის უკანონო შემოსავლის ლეგალიზაციის ფაქტებზე, სასამართლოს განჩინების საფუძველზე დაკავებულია საქართველოს ეკონომიკისა და მდგრადი განვითარების მინისტრის ყოფილი მოადგილე რ. მ.“