„ერთადერთი, ვისაც ამ პრობლემის მოგვარება შეუძლია, ამერიკაა” – რას აცხადებს დონალდ ტრამპი?

აშშ-ის პრეზიდენტმა, დონალდ ტრამპმა ირან-ისრაელის კონფლიქტის შესახებ კიდევ ერთხელ ისაუბრა.

მისი თქმით, „ირანს ევროპასთან საუბარი არ უნდა, მას ჩვენთან დიალოგის სურვილი აქვს, რადგან ზუსტად იცის, რომ ერთადერთი, ვისაც ამ პრობლემის მოგვარება შეუძლია, ამერიკაა.“

„მე ჯერ ვერ გეტყვით, ჩაერთვება თუ არა ამერიკის შეერთებული შტატები სპეცოპერაციაში, ეს მიმდინარე პროცესზე და მომავალში მიღებულ გადაწყვეტილებებზეა დამოკიდებული. გვსურს ვესაუბროთ ირანს. ვიცი, რომ ეს შეგვიძლია. ირანს ევროპასთან საუბარი არ უნდა, მას ჩვენთან დიალოგის სურვილი აქვს ჩვენთან, რადგან ზუსტად იცის, რომ ერთადერთი, ვისაც ამ პრობლემის მოგვარება შეუძლია, ამერიკაა. ფაქტია, ირანს მასობრივი განადგურების იარაღი არ აქვს, მაგრამ აქვს ყველა მასალა, რომლითაც ბირთვული იარაღის შექმნაა შესაძლებელი.

ერთია, რომელიმე ქვეყანა ამბობდეს – მინდა მქონდეს გამდიდრებული ურანი, რათა ბირთვული ენერგიის გამომუშავება შევძლო, თუნდაც ელექტროენერგიის თვალსაზრისით, მაგრამ, როდესაც შენ ხარ ქვეყანა, რომელიც ნავთობის ერთ-ერთ ყველაზე დიდ საბადოზე პირდაპირ ხარ მიერთებული, ცოტა ძნელია იმის გაგება და გააზრება, რაში შეიძლება ბირთვული იარაღი გჭირდებოდეს“, – აცხადებს ტრამპი.