არ არსებობს პროფილაქტიკაზე ეფექტური მკურნალობა! არ არსებობს და ალბათ არც უნდა ველოდეთ კოვიდსაწინააღმდეგო ისეთ წამალს, რომელსაც ვაქცინასთან მიახლოებული ეფექტურობა ექნება – ამის შესახებ ბოჭორიშვილის სახელობის კლინიკის გენერალურმა დირექტორმა დავით გადელიამ “ფეისბუქის” პირად გვერდზე დაწერა.
“კოვიდსაწინააღმდეგო მედიკამენტები – როგორც მოგახსენეთ და დაგეგმილი იყო, თვის დასაწყისში, გერმანიის დონაციით, ქვეყანამ მიიღო მონოკლონური ანტისხეულების შემცველი მედიკამენტების ორი ჯგუფი. მათი სახელები არაფერს გეტყვით და იმდენად რთულია – არც დაგამხსოვრდებათ.
ერთი ჯგუფი გამოიყენება ამბულატორიული მკურნალობის პირობებში, ხოლო მეორე სტაციონარულად, მაგრამ ძალიან ადრეულ ეტაპზე – პირველ დღეებში, როცა დაავადებულ ორგანიზმს ჯერ თავად არა აქვს გამომუშავებული, ამიტომ, აუცილებელია ანტისხეულების კონტროლი.
ეს მედიკამენტები დასალევი რომ იყოს და 2-3 ლარი ღირდეს, ყველას გირჩევდით: “-მიიღეთ, კარგია დაავადების გაღრმავების თავიდან ასაცილებლად “- თქვა. მაგრამ, როცა 1 200 დოლარი ღირს თითო გადასხმა და თან პერსონალის მეთვალყურეობის ქვეშ სჯობს ეს მოხდეს – ცხადია, შესაძლებლობები შეზღუდულია და მხოლოდ მაღალი რისკის – 65 წელს გადაცილებულ, თანდართული დაავადების მქონე პაციენტებით დავიწყებთ.
ერთი სიტყვით, კიდევ მინდა ხაზი გავუსვა იმ ანბანურ ჭეშმარიტებას, რაც კაცობრიობამ გამოცდილებით დიდი ხანია მიიღო: არ არსებობს პროფილაქტიკაზე ეფექტური მკურნალობა! არ არსებობს და ალბათ არც უნდა ველოდეთ კოვიდსაწინააღმდეგო ისეთ წამალს, რომელსაც ვაქცინასთან მიახლოებული ეფექტურობა ექნება და მით უფრო- ჩაანაცვლებს!”, – წერს გადელია სოციალურ ქსელში.
https://mix.metronome.ge/22700-2/
https://mix.metronome.ge/%e1%83%90%e1%83%98%e1%83%aa%e1%83%94%e1%83%a0%e1%83%98%e1%83%97-%e1%83%90%e1%83%ae%e1%83%9a%e1%83%90%e1%83%95%e1%83%94-%e1%83%95%e1%83%94%e1%83%a0%e1%83%90%e1%83%9c%e1%83%90%e1%83%98%e1%83%a0/