კომპანია “ალგორითმი” “ფეისბუქის” პირად გვერდზე შემდეგი სახის ინფორმაციას ავრცელებს:
“კომპანა Algorithm/ალგორითმი გამოთქვამს მზაობას, პარტნიორის გამოჩენის შემთხვევაში, ქართული ოცნების მიერ ჩვენი საწარმოს (ამ სფეროს) კაბალური პირობების გამო დახურულ, ამიერკავკასიაში პირველ IT საწარმოს წალენჯიხაში გადატანის! – ვაცხადებთ სრული პასუხისმგებლობით!” – წერია ინფორმაციაში.
კომპანიის განცხადებას „ლელოს“ ლიდერი მამუკა ხაზარაძე სოციალურ ქსელში გამოეხმაურა:
“რა მაგარია ერთობა და საერთო მიზანი”, – დაწერა “ლელოს” ლიდერმა FACEBOOK-ზე.
აღნიშნულს რეჟისორი ქეთი დოლიძეც ეხმაურება და მამუკა ხაზარაძის პოსტი კომენტარებში წერს:
“ბარემ საქართველოს გამოეყავით და ავტონომია გამოაცხადეთ!” – დაწერა დოლიძემ, რაზეც ხაზარაძემ მიუგო: – “ქეთი, შენ არ ამბობდი სოფლებში წადითო?! ხოდა, მივდივართ, თან საქმის კეთებას ვაჩვენებთ როგორ უნდა კოალიციურად”.
ქეთი დოლიძე: – “ეჰ, მამუკა, ქალაქელები გადასახლდით -თქო, როდის ვთქვი?!
როგორ მენანება ეს ყველაფერი!!!
ვიცი, რომ ინანებ, რადგან წაგებულ ბრძოლაში შეხვედი…”
მამუკა ხაზარაძე: – “ქეთი, შენი ლოგიკით მაშინ სხვა მერი უნდა ჰყოლოდა თბილისს.
ქეთი, წაგებული ქვეყანაა ეხლა, ბრძოლას კი ყოველთვის აქვს აზრი.
ცნობისთვის, რამდენიმე თვის წინ, რეჟისორმა ქეთი დოლიძემ ტელეკომპანია “პირველის” ეთერიდან სოფლებიდან დედაქალაქში ჩამოსულ გარემოვაჭრეებს თავიან კუთხეში დაბრუნება ურჩია.
„მე არ დავდივარ ელიავაზე საერთოდ, მაგრამ ნახეთ ერთი, რა ხდება ელიავას ბაზრობაზე, თუ არ დაგემალებიან, მაჩვენეთ, რას აკეთებენ ელიავას ბაზრობაზე ხიდის ქვეშ დაბუდებული ხალხი. რატომ არ მიდიან თავიანთ სოფლებში?! რატომ არ ამუშავებენ მიწას, რატომ არ უბრუნდებიან თავიანთ სოფლებს.
როგორ შეიძლება მთელი საქართველო იყოს თბილისში, მთელი სოფელი ჩამოვიდა თბილისში და ელიავას ხიდის ქვეშ დგას დგას მეოთხედი თუ ნახევარი. ეს წარმოუდგენელია, არაფრით არ შეიძლება“,- განაცხადა ქეთი დოლიძემ.