თეირანის „პერსეპოლისის“ ქართველი მცველი, გიორგი გველესიანი ირანელ გულშემატკივარს მიმართავს.
„ძვირფასო მეგობრებო, ამ რთულ და მტკივნეულ დღეებში, გულწრფელად მინდა, რომ თქვენს გვერდით ვიყო.
ირანში რვა მნიშვნელოვანი წელი გავატარე და ირანელი ხალხის მიმართ მხოლოდ თბილ და პატივისცემით სავსე მოგონებებს ვატარებ.
არ მსურს პოლიტიკური ტერმინებით საუბარი. ახლა ყველაზე მნიშვნელოვანი უდანაშაულო მოქალაქეთა კეთილდღეობაა — ყველა მხარეს. მათ ვუსურვებ მშვიდობას, უსაფრთხოებას და ძალას, მთელი გულით.
ღრმა პატივისცემითა და სოლიდარობით – გიორგი გველესიანი“, – აღნიშნავს გველესიანი.
შეგახსენებთ, რამდენიმე დღეა, ირანსა და ისრაელს შორის უმწვავესი სამხედრო დაპირისპირება მიმდინარეობს.