“უკრაინაში 210,000 ყალბი კოვიდ ვაქცინაციის საბუთის საქმე გასაჯაროვდა. რუსეთში არა ნაკლები პრობლემაა… ის რომ ვაქცინა პირველ რიგში შენ გიცავს ვირუსისგან, ეს არის მთავარი, საბუთი მეორეხარისხოვანია”, – ამის შესახებ “აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე “ფეისბუქის” პირად გვერდზე წერს.
“ამ ხალხის ტვინში ჩამახედა (ტვინი აშკარად არ აქვთ) თუ რას ფიქრობდნენ, როცა ამ საბუთებს ყიდულობდენ? და ვინც ეს საბუთები გაყიდა, უმკაცრესად უნდა დაისაჯოს!
ელექტრონული ჯანდაცვის ალტერნატივა არ არსებობს!
ელექტრონული კოვიდ სტატუსი უნდა იყოს დანერგილი საქართველოში, რაც შეიძლება მალე! თუ სახელმწიფო ამას ვერ იზამს, მაშინ ალტერნატიული გზა უნდა მოვძებნოთ”, – წერს ფხაკაძე სოციალურ ქსელში და აქვეყნებს gordonua.com – ზე გამოქვეყნებულ მასალას.