მე ჩემი სათქმელი ვთქვი… – ეს არის დასასრულის დასაწყისი – გიორგი ფხაკაძე

საქართველოში კორონავირუსის 6 024 ახალი შემთხვევა გამოვლინდა. ბოლო დღე-ღამეში ვირუსით 49 პაციენტი გარდაიცვალა.

აღნიშნულ სტატისტიკას “აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე “ფეისბუქის” პირად გვერდზე შემდეგნაირი პოსტით ეხმაურება:

“მე ჩემი სათქმელი ვთქვი…
ვირუსი კი თავისი სათქმელი კიდევ ერთხელ თქვა დღეს 49/6024…
ეს არის დასასრულის დასაწყისი”, – წერს ფხაკაძე სოციალურ ქსელში.

ცნობისთვის, stopcov.ge -ზე დღეს განახლებული მონაცემების თანახმად, საქართველოში კორონავირუსის 6 024 ახალი შემთხვევა დაფიქსირდა. ვირუსს კიდევ 49 ადამიანი ემსხვერპლა.

ბოლო 24 საათში ქვეყანაში ჩატარდა 58 291 ტესტი, მათ შორის ანტიგენის სწრაფი ტესტით – 36 465, „პისიარ“ ტესტით – 21 826.

ქვეყანაში კორონავირუსის გამოვლენის დადებითობის მაჩვენებლებია: დღიური – 10,33%, ბოლო 14 დღის – 9,13%, ბოლო შვიდი დღის – 9,46%.

საქართველოში კორონავირუსით ინფიცირების სულ 732 965 შემთხვევაა გამოვლენილი, მათგან 673 640 გამოჯანმრთელდა, 10 185 კი, გარდაიცვალა.

სულ ჩატარდა 1 986 729 აცრა, დღიურად აცრილია 3 868.

კარანტინის რეჟიმშია 33, სტაციონარში მეთვალყურეობას 6 546 ადამიანი გადის, კლინიკურ სასტუმროში იმყოფება 1 091 პირი.

ამასთან, 2 ნოემბრის მდგომარეობით, საქართველოში კორონავირუსის 5 553 ახალი შემთხვევა გამოვლინდა, გამოჯანმრთელდა 4 223 პაციენტი, გარდაიცვალა 47.

https://mix.metronome.ge/%e1%83%91%e1%83%90%e1%83%a2%e1%83%9d%e1%83%9c%e1%83%9d-%e1%83%99%e1%83%90%e1%83%ae%e1%83%98-%e1%83%92%e1%83%98%e1%83%9a%e1%83%9d%e1%83%aa%e1%83%90%e1%83%95%e1%83%97-%e1%83%92%e1%83%90%e1%83%9b/