სპეციალური პენიტენციური სამსახურის ინფორმაციით, ნიკა გვარამიას მიერ გავრცელებული განცხადება, რომლის თანახმად, მიხეილ სააკაშვილის გორის ჰოსპიტალში გადაყვანა და შემდეგ გატაცება იგეგმება, სიმართლეს არ შეესაბამება.
“ნიკა გვარამიას მიერ გავრცელებული ბრალდება, თითქოს, მიხეილ სააკაშვილის გორის ჰოსპიტალში გადაყვანა იგეგმება სიმართლეს არ შეესაბამება. მოვუწოდებთ ყველას, თავი შეიკავონ გადაუმოწმებელი ინფორმაციის გავრცელების და საზოგადოების შეცდომაში შეყვანისგან”, – ნათქვამია სპეციალური პენიტენციური სამსახურის მიერ გავრცელებულ განცხადებაში.
ცნობისთვის, ცოტა ხნის წინ მიხეილ სააკაშვილის ადვოკატმა და “მთავარი არხის” გენერალურმა დირექტორმა, ნიკა გვარამიამ განაცხადა, რომ მისი ინფორმაციით, იგეგმება მიხეილ სააკაშვილის გორის ჰოსპიტალში გადაყვანა და ე. წ. ოსური სპეცრაზმის მიერ მისი გატაცება.
https://mix.metronome.ge/23063-2/