„ბათუმელი მედროშის“, თემურ ქათამაძის საქართველოდან გაძევების შესახებ შინაგან საქმეთა მინისტრის მოადგილემ, ალექსანდრე დარახველიძემ მედიასთან განცხადება გააკეთა.
„საზოგადოებას მივაწოდოთ ინფორმაცია გაფარ ილმაზის ქვეყნიდან გაძევების ფაქტზე – ხაზგასმით აღვნიშნავ, რომ მისი გაძევება მოხდა საქართველოს კანონმდებლობის სრული დაცვით, სასამართლოს მიერ კანონიერ ძალაში შესული გადაწყვეტილების შესაბამისად. ამასთან, აღნიშნული პირის საქმეზე სასამართლოს 8 სხვადასხვა ინსტანციაში ჩატარდა განხილვები და სასამართლომ სრულად გაიზიარა მიგრაციის დეპარტამენტის პოზიცია”, – თქვა დარახველიძემ.
შეგახსენეთ, ქათამაძის ქვეყნიდან გაძევების შესახებ ინფორმაცია დღეს დილით გავრცელდა.