არ დავუშვებთ, რომ ამერიკულ ქალაქში უცხოელი მტერი შემოიჭრას და დაიპყროს, – ამის შესახებ აშშ-ის პრეზიდენტმა, დონალდ ტრამპმა ჩრდილოეთ კაროლინას შტატის ქალაქ ფორტ ბრაგში მდებარე არმიის ბაზაზე ჯარისკაცებთან შეხვედრაზე განაცხადა.
ტრამპი ამბობს, რომ მას შეუძლია ლოს-ანჯელესის გათავისუფლება. მისივე თქმით, ლოს-ანჯელესში ანარქია არ გაგრძელდება.
“ის, რასაც თქვენ კალიფორნიაში ხედავთ, არის სრულმასშტაბიანი თავდასხმა მშვიდობაზე, საზოგადოებრივ წესრიგსა და ეროვნულ სუვერენიტეტზე, რომელსაც უცხო ქვეყნის დროშებით შეიარაღებული მეამბოხეები ახორციელებენ ჩვენს ქვეყანაში უცხოური შემოჭრის გაგრძელების მიზნით. ჩვენ ლოს-ანჯელესს გავათავისუფლებთ და გავხდით მას კვლავ თავისუფალსა და უსაფრთხოს.
[…]ეს ანარქია ვერ გაძლებს. ჩვენ არ დავუშვებთ ფედერალურ აგენტებზე თავდასხმას და არ დავუშვებთ, რომ ამერიკულ ქალაქში უცხოელი მტერი შემოიჭრას და დაიპყროს“, – განაცხადა ტრამპმა.
შეგახსენებთ, ლოს -ანჯელესში საპროტესტო აქციები მიმდინარეობს აშშ-ის საიმიგრაციო და საბაჟო აღსრულების სამსახურის (ICE) მიერ ჩატარებული რეიდების წინააღმდეგ.
აქციის მიმდინარეობის პროცესში მომიტინგეები და პოლიცია რამდენჯერმე დაუპირისპირდა ერთმანეთს.
პოლიცია აქტიურად აკავებს პროტესტანტებს – ბოლო მონაცემებით, სამშაბათს დააკავეს 197 ადამიანი.