“ისევ ქალბატონი მავნებელი ლომჯარიას კადრებთან ერთად ხომ არ მუშაობთ?” – თეა წულუკიანი ლევან იოსელიანს მიმართავს

ხომ არ მუშაობთ ისევ ქალბატონი მავნებელი ლომჯარიას კადრებთან ერთად? – ასე მიმართავს თეა წულუკიანი სახალხო დამცველ, ლევან იოსელიანს, რომელმაც პარლამენტში 2024 წლის ანგარიში წარმოადგინა.

ანგარიშის მიხედვით,ნოემბერ-დეკემბერში საპროტესტო აქციებზე დაირღვა მოქალაქეების უფლებები, ხაზგასმულია პოლიციელების მხრიდან არაადამიანური, ღირსების შემლახავი მოპყრობა, წამება, სამართლიანი სასამართლოს უფლების დარღვევა, ასევე საუბარია ჟურნალისტების მიმართ არასათანადო მოპყრობასა და საქმიანობაში ხელის შეშლაზე.

„თქვენ, მე დარწმუნებული ვარ, იმიტომ, რომ მეტ-ნაკლებად გიცნობთ და ღირსებით სავსე ადამიანი ხართ, პროფესიონალიზმი არ გაკლიათ, ალბათ სტაფის ბრალია, რომ შერჩევითად გაწვდიან თემებს. რეორგანიზაცია ჩაატარეთ თუ არა და თუ არა, რატომ? ხომ არ მუშაობთ ისევ ქალბატონი მავნებელი ლომჯარიას კადრებთან ერთად და ხომ არ გვამყოფებთ მათ იმედზე, რომ თურმე ჩვენი უფლებები იქნება დაცული და ასკინკილა ბურჯანაძის კადრებთან ხომ არ მუშაობთ ისევ შემთხვევით, რომელსაც ეჩვენება, რომ დეესკალაციის ოთახებში თურმე ქართულ ციხეებში არაადამიანური მოპყრობაა. ეს ძალიან უპასუხისმგებლო განაცხადია”, – მიმართა წულუკიანმა იოსელიანს.