შალვა პაპუაშვილი ნატო-ს სამეკავშირეო ოფისის მიერ გავრცელებულ განცხადებას ეხმაურება და ამბობს, რომ ნატო-ს მხრიდან მხოლოდ სიტყვები ისმის,თუმცა საქმე არ გაკეთებულა.
პაპუაშვილის თქმით, განცხადება კარგია, მაგრამ განცხადებით ქვეყნის უსაფრთხოებას ვერავინ დაიცავს.
“მთელი თაობა დაიბადა და გაიზარდა, სკოლას ამთავრებს ისე, რომ ნატო-ს მხრიდან გვაქვს მხოლოდ სიტყვები, საქმე კი არ გაკეთებულა. განცხადება კარგია, მაგრამ განცხადებით ქვეყნის უსაფრთხოებას ვერავინ დაიცავს
[…]ასე რომ, ჩვენი მხრიდან რაც შეიძლებოდა გაკეთებულიყო იმისთვის, რომ ჩვენი სანდო პარტნიორობა, საქართველოს მნიშვნელობა ნატო-სთვის და ნატო-ს მნიშვნელობა საქართველოსთვის გვეჩვენებინა, ჩვენ ეს ყველაფერი ვაჩვენეთ, თუმცა საპასუხოდ მხოლოდ სიტყვებს ვხვდებით და ამგვარ განცხადებებს, რომელიც თუ არ ვცდები, გუშინ ნატო-ს ადგილობრივი ოფისის მხრიდან გავრცელდა. განცხადება კარგია, მაგრამ განცხადებით ქვეყნის უსაფრთხოებას ვერავინ დაიცავს და ეს ჩვენ უკრაინის მაგალითზე ვნახეთ, რომლის მიმართ ბევრი განცხადება კეთდება, მაგრამ საქმე საქმეზე რომ მიდგება, ყველა ხვდება, რომ ნატო-ს ატომური ქოლგა არის ყველაზე ქმედითი დაცვა და არა განცხადებები ნატო-ს ოფისების მხრიდან”, – განაცხადა პაპუაშვილმა