„კოალიცია ცვლილებისთვის” ერთ-ერთი ლიდერი, ნიკა გვარამია ელენე ხოშტარიასთან ერთად გამართულ ბრიფინგზე, თინა ბოკუჩავას მიერ გავრცელებულ განცხადებას.
მისი თქმით, ეს შემთხვევა არც პირველია და არც უკანასკნელი იქნება, როცა ზეწოლა ხორციელდება ყველაზე უფრო არაკაცური, არაქართული და უმძიმესად კრიმინალური ფორმებით.
„ჩვენ არცერთი წამით არ გვეპარება ეჭვი, რომ ის რაც მოხდა, მიმართული იყო თინა ბოკუჩავას პოლიტიკური განეიტრალებისკენ და იმ პარტიის, რომელსაც ის წარმოადგენს. სრულ თანადგომას ვუცხადებთ თინას და კვლავ ვაფიქსირებთ, რომ ამ უმძიმეს მწვერვალებს ყოველდღიურად იპყრობს “ქართული ოცნება”. ეს პირველი შემთხვევა არ არის და ვვარაუდობ, რაც უკანასკნელი, როცა ზეწოლა ხორციელდება ყველაზე უფრო არაკაცური, არაქართული და უმძიმესად კრიმინალური ფორმებით და ყველაზე უფრო მოწყვლადი სუბიექტების მიმართ მუქარის, ვგულისხმობ ბავშვებსა და პირველ რიგში მცირეწლოვან ბავშვებს. ეს არის კადიროვის საქართველო, ეს არ არის საქართველო, ასეთი რამ უპრეცედენტოა ქვეყნისთვის, ასეთი რამ არ უფიქრია იგორ გიორგაძესაც კი და ამას კადრულობს ბიძინა ივანიშვილი და კადრულობენ მისი ხელის ბიჭები,” – თქვა გვარამიამ.
შეგახსსენებთ, თინა ბოკუჩავამ დღეს გამართულ ბრიფინგზე მისი მეუღლის, კოტე იოსელიანის მიერ გავრცელებულ საბოდიშო ვიდეოზე ისაუბრა და განაცხადა, რომ ვიდეოს ჩაწერამდე მის მეუღლეს საცხოვრებელ სახლთან ჩაუსაფრდნენ და შემდეგ გაიტაცეს.
8 ივნისს, კოტე იოსელიანმა გაავრცელა ვიდეო, სადაც ის ბოდიშს უხდის უტა ივანიშვილს, 7 წლის წინ მის პერსონალურ ცხოვრებაზე გაკეთებული კომენტარის გამო, რომელზეც საჯარო ბოდიში ადრევე მოხდილი ჰქონდა.