საქართველოს პრეზიდენტმა სალომე ზურაბიშვილმა თვითმმართველობის არჩევნების მეორე ტურზე საკუთარი არჩევანი უკვე დააფიქსირა. როგორც პრეზიდენტმა ჟურნალისტებთან საუბრისას აღნიშნა,საქართველოში პოლარიზაცია უნდა დასრულდეს.
„მე მგონი, საჭიროა, თქვენც და ჩვენც, ყველამ ერთად ვისწავლოთ ერთიანობა, სიწყნარე, სიმშვიდე და ამას მივეცი ხმა. ძალიან დიდი იმედი მაქვს, რომ ეს პოლარიზაცია, რაც ჩვენ ვნახეთ წინასაარჩევნო პერიოდში, დასრულდება, თუ არა, ხეირობს მხოლოდ ერთი – ჩვენი მეზობელი“, – განაცხადა სალომე ზურაბიშვილმა.