საქართველოს მეხუთე პრეზიდენტმა, სალომე ზურაბიშვილმა, ცოტა ხნის წინ გამართულ ბრიფინგზე თვითმმართველობის არჩევნებში მონაწილეობის შესახებ ისაუბრა.
„ადგილობრივი არჩევნების დანიშვნა და მასში მონაწილეობა, როცა ქვეყანაში გვყავს 60-ზე მეტი პოლიტპატიმარი, ცოტა გასაკვირი და ჩემთვის გაუგებარია. როცა არ არსებობს ქვეყანაში არანაირი ნდობა სასამართლოს მიმართ და იმისი, რომ სასამართლო რომელიმე დავას გაამართლებს რომელიმე პარტიისთვის, თუ ვინმეს ეს სჯერა, როგორც მინიმუმ მიამიტობაზე უნდა ვისაუბროთ. ასევე მედიის საკითხი, აქ ვინც ხართ ჩემზე უკეთ იცით, თუ რა დღეშია მედია. მედია არის აუცილებელი კომპონენტი არჩევნების ნებისმიერ ქვეყანაში, ნებისმიერ დემოკრატიულ ქვეყანაში და ჩვენთან არამხოლოდ იზღუდება ის სივრცე, რომელშიც მედიები ოპერირებენ, არამედ ყოველ დღე მძიმდება სიტუაცია. შეტანილი არის სარჩელი მარეგულირებელში, რომელიც რეალურად არის ახალი ცენზურა და გამოხატვის თავისუფლების შეზღუდვა, რომელიც არსად მინახავს“, – განაცხადა ზურაბიშვილმა.