თბილისის მერი, კახა კალაძე გენერალური პროკურორის, გიორგი გაბიტაშვილის მიერ თანამდებობის დატოვებას გამოეხმაურა:
“მე როგორც მოვისმინე, გიორგი გაბიტაშვილი სხვა მნიშვნელოვან თანამდებობაზე აგრძელებს მუშაობას, ჩვეულებრივი საკადრო ცვლილებაა. კონკრეტული თანამდებობიდან გადადის მეორე კონკრეტულ თანამდებობაზე. შალვა პაპუაშვილმა ახსნა გადაწყვეტილების მიზეზი, რომ ადამიანი ერთი კონკრეტული თანამდებობიდან გადადის მეორე უწყებაში და იკავებს კონკრეტულ თანამდებობას. რა არის ამაში ცუდი?!
მე რომ დღეს მერი ვარ, მთელი ცხოვრება მერი უნდა ვიყო? ხვალ რომ სხვა თანამდებობაზე გადავიდე, რა არის ამაში პრობლემა? ან საერთოდ პოლიტიკაში რომ არ ვიყო, პრობლემას ხედავთ? ჩემი დღევანდელი სტატუსი მთელი ცხოვრება კი არაა მონიჭებული. რამდენიმე წლის წინ სპორტში ვიყავი, დღეს პოლიტიკაში ვარ”,– განაცხადა კალაძემ.
შეგახსენებთ, გიორგი გაბიტაშვილმა გენერალური პროკურორის თანამდებობა დატოვა და გენერალური აუდიტორის თანამდედობაზე დაინიშნა.