ექიმი ზურაბ გურული, რომელიც ამერიკაში ცხოვრობს და საქმიანობს, “ფეისბუქის” პირად გვერდზე წერს:
“ისევ კონტექსტის ადეკვატურად აღქმაზე …
როდესაც ქვეყანაში არ უშვებენ საერთაშორისო კლასის დამოუკიდებელ ჟურნალისტს და არ უშვებენ საერთაშორისო კლასის ადვოკატს, ეს უკვე პირდაპირ ნიშნავს იმას, რომ ე.წ. მთავრობა საკუთარი ნამოქმედარის მართებულობაში დარწმუნებული არ არის; უფრო მეტიც, იცის რომ დამნაშავეა. მე მგონი აშკარაა, რომ უკვე შევედით ბელორუსიის კატეგორიაში და აწი სულ უფრო “დავიხვეწებით”.
იმედია ხვდებით, როგორ დასრულდება ე.წ. მეორე ტური “ბელოგრუზიაში”.
ისინი, ვინც დღეს დუმილს ამჯობინებთ, ხელს აწერთ არაერთი თანამემამულის ფიზიკურ განადგურებაზე, თაობების მოსპობასა და გარყვნაზე, სრულ დეგრადაციაზე” – დაწერა გურულმა სოციალურ ქსელში.
ზურაბ გურულის აღნიშნულ პოსტს, საქართველოს პარლამენტის ყოფილი წევრი ხათუნა ხოფერია ეხმაურება და ექიმს პასუხობს:
“შე რეგვენო! შენ რასაც პერსპექტივაში უსახავ ქართველ ხალხს, ეგ 2003-2012 წლებში უკვე განახორციელა შენმა სისხლიანმა რეჟიმმა!
ახალგაზრდობაც გარყვნა!
ხალხიც დახოცა!
კაციც და ქალიც უმოწყალოდ აუპატიურა!
შექმნა ტოტალიტარული, ფაშისტური, ტირანის მიერ მართული სახელმწიფო!
იომა წაგებისთვის!
ხალხის თვალწინ სრული დეგრადირება მოახდინა პრეზიდენტის ინსტიტუტის!
ჩემი სამშობლოს მიწა ქვა-ღორღად აქცია,
შინდისის გმირების სახელები დაუმალა ხალხს!
ხელებაწეული ხვრიტა ქუჩაში საჯიშე ბიჭები!
და რომელი ერთი ვთქვა, რაც უკვე თავს გადაგვხდა და რაც შენ, რეგვენო, არც გახსოვს და თუ გახსოვს არ იმჩნევ!
დავიჯერო, მაქ, სადაც აგდიხარ, ერთი კაცური კაცი არ არის, რომ მაგარი ჭიტლაყი ამოგარტყას… იქნებ გაგეხსნას გონება!”, – წერს ხოფერია სოციალურ ქსელში.