საქართველოს ექს-პრეზიდენტის, მიხეილ სააკაშვილის მამა ნიკოლოზ სააკაშვილი აცხადებს, რომ განვითარებული მოვლენები მას შთაბეჭდილებას უტოვებს, რომ მის შვილს საპატიმროში კლავენ.
“მე მრჩება შთაბეჭდილება, რომ მას კლავენ, პირდაპირი მნიშვნელობით. ჯერ მეგონა, ვთქვათ, რაღაცა მკაცრი ზომებია, ანგარიშსწორებაა, მაგრამ ახლა უკვე ბოროტების ზღვარს გადასცდნენ და პირდაპირი მიზანია სიკვდილი. მისი გაჩერება აი, იმ ციხის პირობებში, რომელშიც ის იმყოფება და ახდენს შიმშილობას, მე პირდაპირ ვიტყვი, არის მომავალი სამართლიანი სასამართლოს პრეროგატივა. ყველა ესენი მოხვდებიან სასამართლოს ქვეშ. არ შეიძლება ეს ასე გრძელდებოდეს. უკვე 15 დღეა, მე ამას ხმამაღლა ვიძახი, შეტანილია განცხადება ჩემს დაშვებაზე მასთან კამერაში. პასუხი არ არის. დღე მე მოვიკითხე ადვოკატებთან და ასეთი პასუხი მივიღე, სასაცილოა იცით, განხილვის სტადიაშია”, – განაცხადა ნიკოლოზ სააკაშვილმა “TV პირველთან” საუბარში.
https://mix.metronome.ge/22925-2/