უკრაინული დრონების მიერ რუსეთზე 1 ივნისს განხორციელებული მასშტაბური თავდასხმის შემდეგ უკრაინის პრეზიდენტი, ვოლოდიმირ ზელენსკი, ვიდეომიმართვას ავრცელებს, სადაც თავდასხმის დეტალებზე საუბრობს.
ზელენსკიმ დაასახელა ადგილი, სადაც იგეგმებოდა რუსეთზე შეტევა.
“ჩვენი ოპერაციის „ოფისი“, რუსეთის ტერიტორიაზე, განთავსებული იყო უშუალოდ რუსეთის FSB-ს ხელმძღვანელობის გვერდით, მათ ერთ-ერთ რეგიონში” – განაცხადა უკრაინის პრეზიდენტმა.
ვოლოდიმირ ზელენსკის თქმით, ოპერაციის ფარგლებში გამოყენებული იყო სულ 117 უპილოტო საფრენი აპარატი. ზელენსკიმ ასევე დასძინა, რომ რუსეთის ძირითად აეროდრომებზე უკრაინულმა დრონებმა დააზიანა რუსეთის სტრატეგიული ავიაციის 34%.
როგორც უკრაინის ოფიციალური პირები იტყობინებიან, სპეცოპერაციას, სახელწოდებით „ობობას ქსელი“, წელიწად-ნახევრის განმავლობაში ამზადებდნენ.
აღსანიშნავია, რომ ოპერაცია უკრაინის პრეზიდენტი, ვოლოდიმირ ზელენსკი აკონტროლებდა, ხოლო აღსრულება უკრაინის უსაფრთხოების სამსახურის უფროსს, ვასილი მალიუკს დაევალა.