“კოალიცია ცვლილებისთვის” ლიდერი, ნიკა გვარამია ნიკა მელიას სასამართლო პროცესზე მომხდარ ინციდენტს ეხმაურება, სადაც მელიამ მოსამართლესთან შელაპარაკების დროს მას წყალი შეასხა.
გვარამია წერს, რომ წყალი კი არა, მჟავა რომ არ შეასხა სახეში, ეს უნდა უკვირდეს შვანგირაძეს.
“გუშინ მთლად ჩაუსაფრდნენ და გაიტაცეს. დღეს ფორმალურ-სამართლებრივადაც უკანონო პატიმრობაში გაუშვეს, უკანონო განაჩენს ვიღა დაეძებს.
წყალი კი არა, მჟავა რომ არ შეასხა სახეში, ეს უნდა უკვირდეს შვანგირაძეს.
ოლიგარქია უნდა დაემხოს!” – წერს გვარამია.
შეგახსენებთ, “კოალიცია ცვლილებისთვის” ერთ-ერთ ლიდერს, ნიკა მელიას პატიმრობა შეეფარდა.
მელიამ “საგამოძიებო კომისიაზე” გამოუცხადებლობისთვის დაკისრებული 50 000 ლარიანი გირაო არ გადაიხადა, რის გამოც მოსამართლემ გირაო პატიმრობით შეუცვალა.
საქმე არსებითი განხილვის ეტაპზე გადავიდა. მომდევნო სხდომა 12 ივნისს, 12:00 საათზე გაიმართება.