სალომე ზურაბიშვილი მზია ამაღლობელის პროცესზე დაცვის მხარის მოწმის, ქირურგი-იმპლანტოლოგ, თათია ანდღულაძის ნათქვამს ეხმაურება და სოციალურ ქსელში წერს:
„ახალი სპეციალობა გაჩნდა მედიცინაში და ახალი დარგი ექსპერტიზაში: „პოლიციელ” დგებუაძის სილისგან გამოწვეული ტკივილის ნიშნების აღმოჩენა და შესწავლა.
საკუთარ ოჯახის და ვვარის სირცხვილის გარდა, თავის უღირს საქციელით დგებუაძე შეურაცხყოფას აყენებს პოლიციას, რომლის დღეც აღინიშნება ხვალ!
შემთხვევითობად ვერ მივიჩნევთ იმას, რომ მზიას კიდევ ერთი სამარცხვინო სასამართლო სწორედ დღეს ტარდება! დამთხვევა არაა ეს, პირიქით, ემსახურება პოლიციის ინსტიტუტის დაკნინებას, დისკრედიტაციასა და მის სრულ დემორალიზაციას. ესე იგი, ეს სახელმწიფოებრიობის დაშლის კიდევ ერთი ნაბიჯია!
გომელაურის „წასვლა” ისე, რომ მას საკუთარ უწყების თანამშრომლებისათვის მადლობის გამოცხადებაც არ აცალეს, გვაჩვენებს, თუ რაოდენ დაძაბულობასა და დაპირისპირებას აქვს ადგილი მმართველ „გუნდში” და როგორ არ ადარდებთ ავტორიტეტის დასუსტება, გარდა ერთისა!
მგონი დროა, პოლიციელებმა ფიქრი დაიწყონ საკუთარ ღირსებისა და პროფესიონალიზმის გადარჩენა-შენარჩუნებაზე!
პოლიციის დღეზე, მე პირადად მინდა, გულწრფელად გისურვოთ, რომ დაიბრუნოთ საზოგადოებისა და ცალკეულ მოქალაქისადმი ნდობა და სიყვარული, რითიც თქვენი პროფესია გამოირჩევა და ფასობს.
მაშინ შეძლებთ ხელახლა ამაყად გაიძახოთ: „ვემსახურები საქართველოს!” – წერს ზურაბიშვილი.
ცნობისთვის, თათია ანდღულაძემ თქვა, რომ დგებუაძეს არ აღენიშნებოდა ტკივილის ფიზიოლოგიური რეფლექსები, რაც შესაძლოა გამოხატულიყო მიმიკით ან მოძრაობით.