ჟურნალისტი ნანუკა ჟორჟოლიანი სოციალურ ქსელში ახალ პოსტს აქვეყნებს.
„გელას რა ჰგონია? მელიას მოვიტაცებთ?:)))
ჭავლის მანქანა და სპეცრააზმი რა სიკვდილად უნდათ“, – წერს ის.
შეგახსენებთ, ცოტა ხანში „კოალიცია ცვლილებისთვის“ ლიდერის, ნიკა მელიას სასამართლო პროცესი უნდა დიაწყოს, რომელიც საგამოძიებო კომიაზე გამოუცხადებლობის გამო აღძრულ საქმეს უკავშირდება.
მელია გვიან ღამით, ლისის ტბის ასახვევთან დააკავეს.
ინფორმაცია ამის შესახებ კოალიციის პრესსამსახურმა გაავრცელა. მელია სატელევიზიო გადაცემაში – „ორ ცეცხლს შუა“ – მონაწილეობის მიზნით მიემართებოდა.
როგორც კოალიციის პრესსამსახურის წარმომადგენელი მირანდა ბაღათურია ამბობს, მისი ავტომობილი საპატრულო პოლიციამ გააჩერა, ხოლო მალევე ადგილზე დაახლოებით 100-მდე სამოქალაქო ფორმაში ჩაცმული პირი, მათ შორის კრიმინალური პოლიციის წარმომადგენლები, გამოჩნდნენ. დაცვის წევრებს წაართვეს ტელეფონები, ამოიღეს ჩიპები და გადააგდეს. მელია ძალის გამოყენებით ავტომობილიდან გადმოიყვანეს და სამარშრუტო ტაქსით წაიყვანეს.
შინაგან საქმეთა სამინისტროს ცნობით, ნიკა მელია დაკავებულია ადმინისტრაციულ სამართალდარღვევათა კოდექსის 173-ე მუხლით, რაც გულისხმობს სამართალდამცავთა სიტყვიერ ან/და სხვაგვარ შეურაცხმყოფელ ქმედებას მათი სამსახურებრივი მოვალეობის შესრულებისას.