შალვა პაპუაშვილმა „კოალიცია ცვლილებისთვის“ ლიდერის ნიკა მელიას შესახებ გააკეთა კომენტარი.
„ნიკა მელია იქცევა როგორც უცხოელებისგან გათამამებული ბავშვი. გახსოვთ, წინა ჯერზე, მან თქვა, არც გირაოს გადავიხდი და ვერც დამიჭერთო. მიაბრძანეს საპატიმრო დაწესებულებაში. თუმცა, ვნახეთ ასევე, რომ ამის გამო სამი წელი ლიტვის და სხვა ხელისუფლებები საქართველოს სახელმწიფოს რეპუტაციას ულახავდნენ. აბრალებდნენ, თითქოს, ნიკა მელიას დაპატიმრებას მაშინ იყო პოლიტიკური დევნა. სამი წლის თავზე ფურცელი ააფარა ლიტვისა და სხვა ხელისუფლებებს სტრასბურგის სასამართლომ და უთხრა, რომ ისინი ცილს სწამებდნენ მთლიანად სახელმწიფოს, ერსა და ხალხს.
ზოგიერთ უცხოელ ელჩსა და ზოგიერთ უცხოელ პოლიტიკოსს მინდა მივმართო – ან ახლა უთხრან მელიას, გადაიხადოს გირაო, ან შემდეგ წუწუნს თავი დაანებონ, თუკი გირაოს გადაუხდელობის გამო სასამართლო მიიღებს მისი დაპატიმრების გადაწყვეტილებას“, – აღნიშნა პაპუაშვილმა.
შეგახსენებთ, ნიკა მელიას სასამართლო სხდომა ხვალ, 14:00 საათზე, გაიმართება. საგამოძიებო კომისიაზე გამოუცხადებლობის გამო, მისთვის შეფარდებული გირაოს გადახდის ვადა დღეს იწურება.
წინასასამართლო სხდომა დღეს უნდა გამართულიყო, თუმცა ხვალისთვის გადაიდო. მიზეზი პროკურორების გამოუცხადებლობა გახდა. ოფიციალური განმარტებით, ბრალდების მხარის წარმომადგენლები სასწავლო ტრენინგს ესწრებიან.