„პსჟ“-ს ქართველი მხატვარი, რომლის საფეხბურთო უნარმა მამის სიცოცხლე გადაარჩინა“ – რას წერს „ნიუ იორკ-თაიმსი“ ხვიჩა კვარაცხელიაზე?

„ნიუ იორკ თაიმსი“ „პარი სენ-ჟერმენის“ ქართველი ვარსკვლავის, ხვიჩა კვარაცხელიას შესახებ წერილს აქვეყნებს.

„ხვიჩა კვარაცხელია, პსჟ-ის ქართველი მხატვარი, რომლის საფეხბურთო უნარმა მამის სიცოცხლე გადაარჩინა“ – ტექსტს ასეა დასათაურებული.

„მამამისი, ბადრი, ფეხბურთელი იყო – ის რამდენიმე წლის განმავლობაში აზერბაიჯანში თამაშობდა და მის ეროვნულ ნაკრებში სამი მატჩიც კი ჩაატარა. აზერბაიჯანში მწვრთნელობისას, როდესაც კვარაცხელია პროფესიულ ფეხბურთში სამწვრთნელო როლში პირველ ნაბიჯებს დგამდა, ბადრის ექიმებმა უთხრეს, რომ სასწრაფოდ გულის ოპერაცია სჭირდებოდა, მაგრამ ოჯახს ამის საშუალება არ ჰქონდა…“, – წერს გამოცემა.

18 წლის ასაკში კვარაცხელიას არ სურდა საქართველოდან წასვლა, თუმცა მან „რუსთავი“ იჯარით დატოვა, მოსკოვის „ლოკომოტივში“ გადავიდა და ახალ კლუბში აღებული პირველი ხელფასი მამის ჯანმრთელობის გაუმჯობესებას მოახმარა.

„მას [ხვიჩას] ამ ფულზე კითხვაც არ გასჩენია და მთელი თავისი პირველი ხელფასი მოგვცა“, – იხსენებს ბადრი.
ბადრი „ინტერთან“ ჩემპიონთა ლიგის ფინალს დაესწრება. დიდი ემოციების და გულის გამო, ის ვიპ-ლოჟაში ოჯახის წევრებთან ერთად უნდა დარჩეს. ასე იყო კვარაცხელიას ყველაზე მნიშვნელოვან მომენტებში – იანვარში პსჟ-ში კონტრაქტის გაფორმების შემდეგ და მეოთხედფინალში „ასტონ ვილას“ წინააღმდეგ გატანილი გოლის დროს“, – აღნიშნავს „ნიუ-იორკ თაიმსი“.