Sknews.ge-ს ცნობით, ასპინძის მუნიციპალიტეტის სოფელ ოშორაში, ყირიმ-კონგოს ცხელებით 50 წლამდე ქალი გარდაიცვალა. იგი ინფექციურ საავადმყოფოში დაახლეობით ორი კვირის განმავლობაში მკურნალობდა.
ქალს ყირიმ-კონგოს ცხელება 15 მაისს დაუდასტურდა, იგი მალევე თბილისში, ინფექციურ სავადმყოფოში გადაიყვანეს. ასპინძის ჯანდაცვის ცენტრის ინფორმაციით, პაციენტი გუშინ, 27 მაისს გარდაიცვალა.
აღნიშნულ ვირუსთან დაკავშირებით, სურსათის ეროვნულმა სააგენტომ დღეს გამაფრთხილებელი განცხადება გაავრცელა.