რუსულ წყაროებზე დაყრდნობით, Reuters-ი ავრცელებს ინფორმაციას, რომლის მიხედვითაც, რუსეთის პრეზიდენტი, ვლადიმერ პუტინი, უკრაინაში მშვიდობის მიღწევის სანაცვლოდ, დასავლეთისგან ითხოვს წერილობით პირობას, რომ ნატო აღმოსავლეთით არ გაფართოვდება.
ამასთან, აღნიშნული მედიის წყაროების ცნობით, კრემლს სურს, რომ „უკრაინა ნეიტრალური იყოს, რუსეთის წინააღმდეგ დაწესებული სანქციების ნაწილი მოიხსნას, გაყინული რუსული აქტივების საკითხი მოგვარდეს და უკრაინაში რუსულენოვანი მოსახლეობა დაცული იყოს“.
„თუ პუტინი გააცნობიერებს, რომ საკუთარი პირობებით სამშვიდობო შეთანხმებას ვერ მიაღწევს, ის სამხედრო გამარჯვებებით შეეცდება უკრაინელებსა და ევროპელებს აჩვენოს, რომ ხვალინდელი მშვიდობა კიდევ უფრო მტკივნეული იქნება“, – აღნიშნა ერთ-ერთმა რუსმა მაღალჩინოსანმა.