საქართველოს მეხუთე პრეზიდენტი, სალომე ზურაბიშვილი, დიასპორის დღესთან დაკავშირებით, ვიდეომიმართავს ავრცელებს.
ზურაბიშვილის თქმით, სახელმწიფოს შეუძლია, გაამარტივოს ორმაგი მოქალაქეობის მინიჭების პროცესი, თუმცა, ამას არ აკეთებს.
„დღესაც ძალიან რთულია ჩვენი თანამემამულეებისთვის, რომლებსაც მიღებული აქვთ სხვა ქვეყნის მოქალაქეობა, დაიბრუნონ და აღადგინონ საქართველოს მოქალაქეობა. თანხებიც მაღალია და პროცესი ყველანაირად გართულებულია. ეს ყველაფერი ხელს უშლის ჩვენს თანამემამულეებს, დაიბრუნონ თავიანთი მოქალაქეობა.
კიდევ უარესი, რაც მოხდა, რომ უარს ეუბნებიან ადამიანს, როცა მისი სრული უფლებაა, დაიბრუნოს საქართველოს მოქალაქეობა.
ტყუილი სიტყვები, რომ ჩვენ გვინდა მჭიდრო კავშირი დიასპორასთან, არ არის საჭირო. ჩვენ გვინდა საქმე და ის, რომ საქმეში ჩანდეს, რომ ჩვენ ნამდვილად გვინდა და გჭირდება დიასპორა ამ ქვეყნის მომავლისთვის“, – თქვა ზურაბიშვილმა.