ქანდის მონასტრის წინამძღვარმა, მამა სერაფიმემ, მოკლულ ნიკოლოზ კვარაცხელიას ხსოვნას არამეული გალობა მიუძღვნა.
მან ნიკოლოზ კვარაცხელიას გარდაცვალებიდან მეორმეცე დღეს, პანაშვიდი გადაიხადა.
ვიდეოს სოციალურ ქსელში “საქართველოს ფერმერთა ასოციაციის” თავმჯდომარე ნინო ზამბახიძე ავრცელებს და წერს:
“არამეული გალობა ნიკოს. აი, ისეთია, ცა რომ იხსნება, ცაა!!! დღეს მე- 40-ე დღეა ჩვენი მომავლის ბიჭის…”, – წერს ზამბახიძე “ფეისბუქსზე”.
როგორც მამა სერაფიმემ წირვის დასრულების შემდეგ აღნიშნა, ნიკას სახელი ყოველ წირვაზე იქნება მოხსენიებული.
“ნიკოს გარდაცვალება იყო და არის დიდი ტრაგედია ყველასთვის… ის ნამდვილად საქართველოს მომავალი თაობა იყო, რომელიც ძალიან ბევრ რამე შეცვლიდა უკეთესობისკენ…
არსებობს ორი სამყარო – ხილული და უხილავი, და ამ დროს, როცა ჩვენ მათთვის ვლოცულობთ, ეს ორი სამყარო ერთმანეთს უერთდება და ერთად ადიდებენ ღმერთს. არ ვიცი რა გითხრათ, რითი განუგეშოთ, ეს არარსებულია, მაგრამ ერთ რამეს გპირდებით, რომ ჩვენს ტაძარში, ჩვენს მონასტერში, ნიკას სახელი ყოველ წირვაზე იქნება მოხსენიებული, ღმერთმა დაგლოცოთ, გაკურთხოთ და გაგაძლიეროთ”, – აღნიშნა მამა სერაფიმემ.