მსახიობმა ნინო ლეჟავა, ფინანსურ კრიზისზე ტელეკომპანია “პირველის” გადაცემაში “შუადღე Live” ისუბრა:
„ზოგჯერ კიოსაც მეძახიან. რამდენადაც შემიძლია, არ ვჩერდები, ვფაფხურობ და ღმერთს მხოლოდ იმას ვთხოვ, რომ გამძლეობა მომცეს. პანდემია დაიწყო თუ არა, ჩაიკეტა თეატრები, უსაქმურობა არ შემიძლია. სახლის ქვევით ზოო მაღაზიაში გამყიდველად დავიწყე მუშაობა. სოფელში წავედი და ყურძენი ვკრიფე. გული მწყდებოდა, რომ თეატრმა გამომიძახა, ისეთი კარგი ადამიანები დავტოვე იქ… 7 საათი სამუშაო დღეა. კრეფ ყურძენს, გამოდიხარ და გეძლევა 40 ლარი. რაც მე თვეში ვიღებ დღე და ღამე სამუშაოში, იქ გამომდიოდა 20 დღეში. მიუხედავად ამისა, ყოველდღიური საკვები ფული ეს არ იყო.
რეგიონში უფრო მეტად გაძვირებული აღმოჩნდა საკვები სწორედ საწვავის გამო, დისტრიბუციის გამო. სოფლის კვერცხი ფასი ინკუბატორის ფასს გაუთანაბრდა. უკვე წინასწარ ვიცი, რა ეღირება ჩურჩხელა… ახალი წელი ჩვენთვის არ არის, პენსიონერისთვის, მითუმეტეს. კომუნალურებზე ლაპარაკიც ზედმეტია. წელს, ალბათ, სუბსიდირებაც არ იქნება, მხოლოდ სოციალურად დაუცველებისთვის. პანდემიის დროს ეს სუბსიდირება მაინც გვიხაროდა…“, – ამბობს ნინო ლეჟავა.