“მიშა, ძალიან დიდი ბოდიში, რაც დღეს მოისმინეთ ციხის კედლებიდან, მაგრამ ალბათ იცით, რომ ეს არ არის ნამდვილი ქუთაისი” , – ამ სიტყვებით მიმართა ჟურნალისტმა თეა ადეიშვილმა ექს-პრეზიდენტ მიხეილ სააკაშვილს გადაცემაში “მთავარ აქცენტები”, რომლითაც ის რუსთავის N12 პენიტენციურ დაწესებულებასთან ქუთაისიდან ჩამოსული მოქალაქეების მიერ გამართულ აქციას გამოეხმაურა.
“მე დავიბადე და გავიზარდე ქუთაისში… მიშა, ძალიან დიდი ბოდიში, რაც ციხის კედლებიდან მოისმინეთ, მაგრამ ალბათ იცით, რომ ეს არ არის ნამდვილი ქუთაისი და თქვენ იცით, იმ ადამიანებს, ვინც ციხის კედელს მიღმა იდგა, ჰქონდათ ნამდვილი მიზეზი, მოვარდნილიყვნენ თქვენთან და ეძახებინათ ის, რაც გეძახეს, იმიტომ, რომ თქვენ ასეთი ადამიანები გააქრეთ ამ ქვეყნიდან, ამ ქალაქიდან, ქუთაისიდან. ასეთი ჩაშვებული, ლომკაში ჩავარდნილი, დაუბანელი ქუთაისელები, ამ ხელისუფლებისთვის ჩემი ქალაქის სახეა და ნამდვილი სახე ქუთაისისა დღეს ხატია დეკანოიძემ აჩვენა, თავისი ვიცე-მერების წარდგენით და იმ საზოგადოებით, რომელიც იქ იქნა შეკრებილი”, – თქვა თეა ადეიშვილმა.
რუსთავის მე-12 პენიტენციურ დაწესებულებასთან ქუთაისიდან მიხეილ სააკაშვილის საწინააღმდეგო აქციისთვის ჩავიდნენ.
აქციის მონაწილეთა განცხადებით, მათი მიზანია ხმა მიაწვდინონ მიხეილ სააკაშვილს და გააგებინონ, რომ არჩევნები „ნაციონალური მოძრაობის“ მარცხით დასრულდება. მათივე თქმით, ისინი ქუთაისიდან საკუთარი ინიციატივით ჩამოვიდნენ.
საქართველოს ექს-პრეზიდენტი, მიხეილ სააკაშვილი 1-ელ ოქტომბერს დააკავეს. ყოფილი პრეზიდენტი უკვე 26-ე დღეა შიმშილობს.
https://mix.metronome.ge/22780-2/
https://mix.metronome.ge/22776-2/
https://mix.metronome.ge/22783-2/