„ქართული ოცნების“ წევრმა, თეა წულუკიანმა საგამოძიებო კომისიის დღევანდელ სხდომაზე მიმდინარე პროტესტის შესახებ გააკეთა კომენტარი.
„მე, მაგალითად, ჩემად ვიტყვი, სხვის ნაცვლად რომ არ ვისაუბრო, მე, როგორც პოლიტიკაში გარკვეული, პატარა გამოცდილების მქონე ადამიანს ძალიან მეცინება პოლიტიკური ბრძოლის იმ მეთოდებზე, იმ უჭკუო სტრატეგიებზე, თუ ამას სტრატეგია შეიძლება დაერქვას, რასაც ვხედავთ ქუჩაში ან ქუჩის მიღმა ჩვენი ხელისუფლების დასამარცხებლად. ცოტა მეტი ჭკუა, დაფიქრებაა საჭირო, იმიტომ, რომ დღეს იმ ექსტრემისტულ ჯგუფებს, ვინც „ქართული ოცნების“ ხელისუფლებას ებრძვის არც მორალი უმაგრებს მხარს იმიტომ, რომ პოლიტიკურ ბრძოლაში თუ შემოდიხარ, მართალი უნდა იყო, სიმართლისთვის უნდა იბრძოდე“, – თქვა მან.