“ქართული ოცნება” 27 ოქტომბერს თავისუფლების მოედანზე მასშტაბურ აქციას აანონსებს.
როგორც მმართველი გუნდის წარმომადგენლები აცხადებენ, შეკრების ადგილზე საარჩევნო პროცესებს შეაჯამებენ.
თბილისის მერობის კანდიდატი, “ქართული ოცნების“ გენერალური მდივანი კახა კალაძე დარწმუნებულია, რომ დათქმულ ადგილზე ბევრი ადამიანი მივა.
“დარწმუნებული ვარ, რომ ძალიან ბევრი ადამიანი გამოვა იმიტომ, რომ არავის სიამოვნებს არსებული სიტუაცია კონკრეტული პოლიტიკური ძალების მხრიდან – სიძულვილის ენა, შეურაცხყოფა, ცილისწამება.
მნიშვნელოვანია იმ თვალსაზრისითაც, რომ საზოგადოებას დავანახოთ, რომ ჩვენ ვართ ის ძალა, რომელსაც რეალურად აქვს შანსი და შესაძლებლობა, მე ქალაქზე ვიტყვი რადგანაც ვარ მერობის კანდიდატი, რომ ამ ქალაქში აღმშენებლობა და განვითარება გააგრძელონ. ბევრი გვაქვს გაკეთებული ბოლო 4 წლის განმავლობაში, ეს კარგია, მაგრამ საზოგადოებას აინტერესებს მომავალი“, – განაცხადა კახა კალაძემ.