რუსული მედიის ცნობით, რუსეთის პრეზიდენტი, ვლადიმერ პუტინი, კურსკის ოლქში ჩავიდა.
კრემლის ინფორმაციით, ვლადიმერ პუტინი კურსკის ოლქში გუბერნატორის მოვალეობის შემსრულებელ, ალექსანდრ ხინშტეინსა და მოხალისეებს შეხვდა.
მოხალისეებთან შეხვედრაზე პუტინმა განაცხადა, რომ უკრაინის არმია „რუსეთის საზღვრებისკენ გადაადგილებას ცდილობს“.
„უკრაინის ძალებმა მათ მიერ დაკავებულ ტერიტორიებზე მეორე მსოფლიო ომის დროინდელი ძეგლები გაანადგურეს, რაც მათ საზარელ ნეონაცისტურ ბუნებას აჩვენებს. ნათელია, თუ ვის წინააღმდეგ იბრძვის რუსეთი სპეციალური სამხედრო ოპერაციის დროს. ეს ყველა საფუძველს გვაძლევს ვთქვათ, რომ ისინი ნეონაცისტური იდეოლოგიის მქონე ადამიანები არიან. ისინი იდიოტების შეჯიბრშიც კი მეორე ადგილს დაიკავებდნენ. რატომ? იმიტომ, რომ იდიოტები არიან“, – თქვა მან.