ალინა გამსახურდია პირველი ქართველი ქალია, რომელმაც ევერესტის მწვერვალი დალაშქრა.
„2025 წლის 18 მაისს ნეპალის დროით დილის 9:10 საათზე ვიდექი პლანეტის ყველაზე მაღალ წერტილში, ევერესტის მთაზე და მთელი პლანეტა გაიხსნა ჩემთვის. ეს ჩემი ყველაზე დიდი ოცნება იყო, გავმხდარიყავი პირველი ქართველი ქალი, რომელიც ევერესტზე ავიდა. ჯერ ვერ ვაცნობიერებ, თითქოს პარალელურ რეალობაში ვარ ჯერჯერობით“, – წერს ალინა გამსახურდია სოციალურ ქსელში.