სპორტსმენი ბექა ონიანი ამ დრომდე კომაშია.
ონიანის ოჯახის წევრი „ტვ პირველს“ მისი ამჟამინდელი ჯანმრთელობის მდგომარეობის შესახებ ესაუბრა.
„ბექას მდგომარეობა სტაბილურად რჩება მძიმე. ერთადერთი კარგი ამბავი ის არის, რომ უარესობისკენ არ არის მისი ჯანმრთელობის მდგომარეობა. როგორც ექმის ვესაუბრე ნელ-ნელა დაიწყება გამოღვიძების პროცესი. როგორც ვიცი, კიდურებში აქვს ოდნავ მგრძნობელობის შეგრძნება, დანარჩენი ამ ეტაპზე ისევ სტაბილურად მძიმე მდგომარეობაში რჩება.
დღეს მოხდება უკვე გასაუბრება, სავარაუდოდ ბექას საქმესთან დაკავშირებით უკვე გამომძიებელთან და ამის მერე გვეცოდინება, რა მოხდა და რატომ მოხდა. პრინციპში ამას, ვერ გავიგებთ, იმიტომ რომ მარტო ერთი მხარის პოზიცია არის ცნობილი დამნაშავის და არა დაზარალებულის და ეტაპობრივად შევეცდებით გავარკვიოთ. ძალიან დიდ მადლობას გადავუხდი მოსახლეობას, ვინც დაინტერესებულია ბექას მდგომარეობით. ჩვენ ოჯახს ეს მორალური მხარდაჭერა ძალიან გვაძლიერებს, მათ შორის ბექასაც“, – თქვა ბექა ონიანის ოჯახის წევრმა.
შეგახსენებთ, 27 წლის სპორტსმენს თავს 16 მაისს, ახალი სპორტის სასახლის ეზოში დაესხნენ.
აღნიშნულ საქმეზე ბრალდება ივანე ტყეშელაშვილს სისხლის სამართლის კოდექსის 117-ე მუხლის პირველი ნაწილით (ჯანმრთელობის განზრახ მძიმე დაზიანება) წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს