პოლონეთში საქართველოს 2 მოქალაქე მაღაზიის ქურდობის ბრალდებით დააკავეს. ინფორმაციას ადგილობრივი მედია ავრცელებს.
მედიის ცნობით, ბრალდებულებმა ქალაქ ოპოლეში მდებარე მაღაზიიდან ტექნიკა, საიუველირო ნაკეთობები და საკვები მოიპარეს – ნივთების საერთო ღირებულება 1 600 ევროს შეადგენს.
არსებული ცნობებით, ერთ-ერთი ბრალდებული, 2024 წელს ქვეყნიდან გააძევეს და ტერიტორიაზე შესვლა 7 წლის ვადით აუკრძალეს. საქართველოში დაბრუნების შემდეგ ბრალდებულმა პირადი მონაცემები შეცვალა და კვლავ პოლონეთში დაბრუნდა.
პოლონური მედიის ინფორმაციით, ორივე დაკავებულს შენგენის ზონაში 10 წლის ვადით აეკრძალა შესვლა.