თბილისში, მტკვრის მარცხენა სანაპიროზე ავტოსაგზაო შემთხვევა მოხდა. ერთმანეთს რამდენიმე ავტომობილი შეეჯახა. შემთხვევის შედეგად, ორი ადამიანი დაშავდა.
ადგილზე მობილიზებულია სასწრაფო სამედიცინო დახმარებისა და სამართალდამცველების რამდენიმე ეკიპაჟი.
შსს-ის თქმით, მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.