ცალსახად მინდა ვთქვა, რომ მე როგორც საკოორდინაციო საბჭოს თავმჯდომარე და პრემიერ-მინისტრი, არ დავუშვებ სავალდებულო ვაქცინაციას, – ამის შესახებ პერმიერ-მინისტრმა ირაკლი ღარიბაშვილმა განაცხადა.
მთავრობის მეთაურის აღნიშნულ განცხადებას ჟურნალისტი ინგა გრიგოლია “ფეისბუქის” პირად გვერდზე შემდეგნაირად ეხმაურება:
“დაღუპული ადამიანების რიცხვს უკვე ვეღარ ვითვლით და ეს მავნებელი რას ბედავს! ეს მართლა მავნებელი და ფსიხი! ოღონდ მეორე ტური არ წააგონ და მზად არიან, ყველა საძაგლიბას მოაწერონ ხელი
ეს როგორ უნდა თქვა, თუ დალაგებული ხარ! თან პრემიერი რომ გქვია,” – წერს გრიგოლია სოციალურ ქსელში.
პრემიერმა ჟურნალისტებთან საუბრისას აღნიშნა, რომ “მოქალაქეები არ უნდა ვაიძულოთ, მოქალაქეები უნდა დავარწმუნოთ იმაში, რომ ვაქცინაცია არის ერთადერთი გამოსავალი ამ პანდემიასთან ბრძოლაში.”
“ჩვენ მოქალაქეებს აქვს თავისუფალი არჩევანის უფლება. მე ყველაფერი გავაკეთე იმისთვის რომ ჩამომეტანა დროულად საკმარისზე მეტი ვაქცინები. მილიონობით ვაქცინა ჩამოვიტანეთ, პირადად მე ვიყავი ჩართული მოლაპარაკების პროცესში. ჩვენ უნდა დავარწმუნოთ მოქალაქეები და არა ვაიძულოთ, ეს არის ძალიან მნიშვნელოვანი. დავარწმუნოთ, რომ ეს არის ერთადერთი უალტერნატივო გამოსავალი. ვაქცინაციაში ჩავერთოთ და ავიცრათ. ორი მილიონი აცრა ჩავატარეთ, მილიონი მოქალაქის აცრა შევძელით სულ რაღაც სამ თვეში, ვფიქრობ, რომ ეს არის კარგი ეფექტური შედეგი. ეს პროცესი არ არის მხოლოდ ჩვენთან, ბევრ ევროპულ სახელმწიფოში და ასევე ამერიკაში არის ანტივაქსერების მძლავრი კამპანია. ჩვენ უნდა ვენდოთ მეცნიერებს და არა ყალბ ინფორმაციებს”, – განაცხადა ირაკლი ღარიბაშვილმა.