ჟურნალისტი ნანუკა ჟორჟოლიანი “ფეისბუქის” პირად გვერდზე ექს-პრეზიდენტ მიხეილ სააკაშვილის შიმშილობასთან დაკავშირებით პოსტს აქვეყნებს:
“მიშას შიმშილობის 24-ე დღეს მისი ჯანმრთელობის მდგომარეობა უკვე მძიმეა. ღარიბაშვილის ბრძანებით საავადმყოფოში არ გადაჰყავთ. ახლა თუ ესენი არ ვაიძულეთ, უარი თქვან ასეთ დროს შურისძიებებზე, რამდენიმე დღეში ძალიან გვიანი იქნება!” – წერს ჟორჟოლიანი სოციალურ ქსელში.
მიხეილ სააკაშვილი 25-ე დღეა შიმშილობს. მისი ჯანმრთელობის მდგომარეობის შესასწავლად რამდენიმე დღის წინ ციხეში ექიმები იმყოფებოდნენ. მათ პრევენციული ჰოსპიტალიზაციის რეკომენდაცია გასცეს.
სააკაშვილი მედიკამენტოზურ ჩარევაზე თანახმაა, თუმცა შიმშილობის შეწყვეტას არ აპირებს.