“ეს უკვე ანტივაქსერული განწყობაც აღარაა, ეს უკვე დაუჯერებელი რამაა – საქართველოს მოსახლეობა თავის ჯანმრთელობას, სიცოცხლეს და საბოლოო ჯამში ქვეყანას, საბოტაჟს უწყობს” – ამის შესახებ ინფექციური საავადმყოფოს გენერალურმა დირექტორმა თენგიზ ცერცვაძემ ქვეყანაში შექმნილ ეპიდემიოლოგიურ ვითარებაზე საუბრისას განაცხადა.
ცერცვაძის აღნიშნულ განცხადებას ჟურნალისტი ვახო სანაია “ფეისბუქის” პირად გვერდზე ეხმაურება:
“ხომ იძახეთ, არ არსებობს ეკლესიის კლასტერიო. ხომ შეუწყვეთ ხელი საპატრიარქოსთან ფლირტით ყველაზე საშინელ პროპაგანდას. ახლა რატომ გიკვირთ ?! ახლაც არ არსებობს ეკლესიის კლასტერი?! ათასობით ინფიცირებული საიდან მოდის ყოველდღიურად ?! რატომ მიეცით კოლექტიურ ჯაღმაიძეებს ხალხის მოტყუების ასპარეზი ?! რატომ გასწირეთ ეს ხალხი ?! ხომ გვიწოდეთ ყველას ეკლესიის მტრები?! იძახეთ ახლა საბოტაჟი…” – წერს სანაია სოციალურ ქსელში.