სტამბოლში, რუსეთსა და უკრაინას შორის მოლაპარაკებები დასრულდა.
მოლაპარაკებები თითქმის ორი საათის განმავლობაში მიმდინარეობდა.
ეს ომის დაწყებიდან პირველი პირისპირ შეხვედრა იყო.
უცხოური მედიების ინფორმაციით, რუსეთის მხარემ ცეცხლის შეწყვეტის სანაცვლოდ გარკვეული პირობები წამოაყენა.
Reuters-ის ცნობით, რუსეთის დელეგაციამ მოითხოვა, უკრაინამ გაიყვანოს ჯარები თავისივე ტერიტორიიდან – დონეცკი, ლუგანსკი, ზაპოროჟიე და ხერსონი.
დიპლომატების აზრით, რუსეთის ეს წინადადება სრულიად არარეალისტურია და ცდება ყველა ადრინდელ მოთხოვნას.
მანამდე, აშშ-ის სახელწიფო მდივანმა, სტამბოლში ჩასვლისას განაცხადა, რომ უკრაინა-რუსეთის მოლაპარაკებებისგან დიდი მოლოდინები არ ჰქონდა.
შეგახსენებთ, თავდაპირველად უკრაინის პრეზიდენტმა, ვოლოდიმირ ზელენსკიმ პუტინი სტამბოლში, პირისპირ შესახვედრად დაიბარა, თუმცა გუშინ ცნობილი გახდა, რომ პუტინი არ აპირებდა სტამბოლში ჩასვლას, რის შემდეგაც კრემლმა რუსული დელეგაციის სია გაასაჯაროვა.
ამის შემდეგ, მოლაპარაკებებში მონაწილეობის მიღებაზე უარი თქვა ვოლოდიმირ ზელენსკიმაც.
დაპირისპირებული მხარეების პრეზიდენტების ნაცვლად, მოლაპარაკებებში მონაწილეობის მისაღებად სტამბოლში გამოემგზავრნენ მათი დელეგაციები.
პროცესს აკვირდებოდა აშშ-ის წარმომადგენლებიც.