“დროა, შევხვდეთ ერთმანეთს” – ვის მიმართავს დონალდ ტრამპი

აშშ-ის პრეზიდენტმა, დონალდ ტრამპმა ჟურნალისტებთან საუბრისას განაცხადა, რომ დროა, ის და რუსეთის პრეზიდენტი ერთმანეთს შევხდნენ.

ტრამპის თქმით, მან იცოდა, რომ თუკი თვითონ სტამბოლში არ იქნებოდა, არც პუტინი ჩავიდოდა იქ.

“როგორც კი შეხვედრის ორგანიზებას შევძლებთ, მე პუტინს შევხვდები. რა საჭიროა ლოდინი? ვფიქრობ, დროა, უბრალოდ, შევხვდეთ ერთმანეთს. ყველა ამბობდა, რომ პუტინი მიდიოდა თურქეთში, ზელენსკიც მიდიოდა. მე ნათქვამი მაქვს, რომ პუტინი არ ჩავიდოდა თურქეთში, თუ მე იქ არ ვიქნებოდი. და ასეც მოხდა. შეხვედრაზე არც ზელენსკი გამოჩნდა, რადგან შეიტყო, რომ პუტინი არ დაესწრებოდა. ეს ყველაფერი უნდა დასრულდეს. ყოველ კვირას, საშუალოდ 5000 ახალგაზრდა იღუპება, ჩვენ ამ ომს დავასრულებთ“, – აცხადებს დონალდ ტრამპი.