გერმანიის ელჩმა, პეტერნ ფიშერმა, რომელიც “ბათუმელები/ნეტგაზეთის” დამფუძნებლის, მზია ამაღლობელის სასამართლო პროცესზე იმყოფება, ჟურნალისტებთან საუბრისას სხვა საკითხების განხილვასთან ერთად განაცხადა, რომ “ტვ იმედმა” მასთან დაკავშირებით დეზინფორმაცია გაავრცელა.
გერმანიის ელჩის თქმით, ის მოუწოდებს “იმედს” დაამტკიცონ მათი ნათქვამი, რომ ის ოპოზიციას მითითებებს აძლევს.
“მე მაქვს კითხვა ტელეკომპანია „იმედთან“. გუშინ თქვით, რომ მე ვაძლევ მითითებებს რადიკალურ ოპოზიციას. რის საფუძველზე გაავრცელეთ ეს დეზინფორმაცია? ეს ცრუ ინფორმაციაა და მე გიწვევთ დაამტკიცოთ, რომ მე ვაძლევ მითითებებს ოპოზიციას,“ – განაცხადა მან.