“გეშინიათ?” – მიხეილ სააკაშვილი ტელეკომპანია “იმედის” მიერ გავრცელებულ ვიდეოს ეხმაურება

ტელეკომპანია “იმედის” მიერ გავრცელებულ ვიდეოს ექს-პრეზიდენტი ეხმაურება. განცხადება მიხეილ სააკაშვილის ფეისბუქ გვერდზე ვრცელდება.

ყოფილი პრეზიდენტი ხელისუფლებას ურჩევს, მიიყვანონ სასამართლოში, რათა ქართველმა ხალხმა და საერთაშორისო თანამეგობრობამ სიმართლე მოისმინოს.

„ჩემი მომღიმარი ვიდეოების გავრცელების ნაცვლად სხვადასხვა ეგზოტიკური ადგილებიდან, “ხელისუფლებას” ვურჩევ და კატეგორიულად მოვითხოვ, მიმიყვანოთ თქვენს “სასამართლოში”, რათა ქართველმა ხალხმა და საერთაშორისო თანამეგობრობამ ჩემგან პირველ პირში მოისმინოს სიმართლე ყველაფერზე. თუ სიმართლის ყველაზე მეტად გეშინიათ?”-  ნათქვამია მიხეილ სააკაშვილი განცხადებაში.

ცნობისთვის, ტელეკომპანია „იმედმა“ გუშინ გაავრცელა მიხეილ სააკაშვილის ვიდეო, რომელიც სავარაუდოდ, სატვირთო მანქანის მისაბმელშია გადაღებული. როგორც „იმედის“ მიერ გავრცელებულ ინფორმაციაშია აღნიშნული, ექს-პრეზიდენტს რამდენიმე სხვა სცენართან ერთად წინასწარ ჰქონდა მომზადებული საკუთარი სავარაუდო გატაცების ვერსიაც და იმ შემთხვევაში, თუ სააკაშვილი საქართველოში შემოსვლას ვერ მოახერხებდა, ის, თავისი გატაცების სცენარს აამუშავებდა. აღნიშნულ ვიდეოში სააკაშვილი ამბობს, ის გაიტაცეს და არ იცის რომელი ქვეყნის სპეცსამსახური დგას ამ საქმის უკან.

https://mix.metronome.ge/es-aris-motaceba/