“ზელენსკი საბრალო ადამიანია, ასე სულელურად არ უნდა იქცეოდეს” – ლავროვი

[ზელენსკი] საბრალო ადამიანია.ასე სულელურად არ უნდა იქცეოდეს, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

“თავდაპირველად, ზელენსკი მოითხოვდა, რომ პუტინი პირადად ჩასულიყო. ჰო, საცოდავი ადამიანია. მერე კი უფროსმა მეგობრებმა აუხსნეს, რომ ასე სულელურად არ უნდა იქცეოდეს და საჭიროა მოლაპარაკებების გამართვა.
[…] უამრავი მტკიცებულება არსებობს იმისა, რომ ბერლინს, პარიზს, ბრიუსელს და განსაკუთრებით ლონდონს, უკრაინაში მშვიდობა არ სურს“ – თქვა ლავროვმა.

შეგახსენებთ, რომ უკრაინის პრეზიდენტს, ვოლოდიმირ ზელენსკის მხოლოდ პუტინთან სურდა შეხვედრა, თუმცა კრემილის მიერ გავრცელებულ ინფორმაციაში ნათქვამია, რომ რუსეთის დელეგაციას უხელმძღვანელებს პრეზიდენტის თანაშემწე, ვლადიმირ მედინსკი.

რუსეთის დელეგაციას ასევე წარმოადგენენ საგარეო საქმეთა მინისტრის მოადგილე, მიხაილ გალუზინი, რუსეთის შეიარაღებული ძალების გენერალური შტაბის მთავარი სამმართველოს უფროსი, იგორ კოსტიუკოვი,თავდაცვის მინისტრის მოადგილე, ალექსანდერ ფომინი.