დღეს სტამბოლში რუსეთ-უკრაინის ომის შესახებ მოლაპარაკებები იმართება.
თურქეთში ჩავიდა უკრაინის პრეზიდენტი, ვოლოდიმირ ზელენსკი. ცოტა ხნის წინ ცნობილი გახდა რუსეთის დელეგაციის შემადგენლობა, თუმცა მათ შორის არ არის რუსეთის პრეზიდენტი, ვლადიმერ პუტინი.
სტამბოლში პუტინის არჩასვლის შესახებ კომენტარი გააკეთა აშშ-ის ლიდერმა, დონალდ ტრამპმა.
„არა, არ მეგონა. მე სინამდვილეში ვთქვი: „რატომ წავა, თუ მე არ მივდივარ?“ იმიტომ, რომ არ ვაპირებდი წასვლას, არ ვგეგმავდი. წავიდოდი, მაგრამ არ ვგეგმავდი წასვლას. მე ვთქვი: „არ მგონია, წავიდეს, თუ მე არ წავალ“ და ეს სწორი აღმოჩნდა. არ მეგონა, რომ პუტინის წასვლა შესაძლებელი იქნებოდა, მე თუ იქ არ ვიქნებოდი“, – აღნიშნა ტრამპმა.