ვოლოდიმირ ზელენსკიმ სტამბოლში, უკრაინასთან მოლაპარაკებებზე ჩასულ დელეგაციას „თეატრალური დეკორაცია” უწოდა.
„ჩვენ ვეკონტაქტებით ამერიკულ მხარეს. მჯერა, რომ ისინი თურქეთში მაღალ დონეზე იქნებიან წარმოდგენილნი. რაც შეეხებათ რუსებს, ვნახავთ. ოფიციალურად არაფერი დადასტურებულა, მაგრამ რასაც ვაკვირდებით, ეს უფრო თეატრალური დეკორაციაა, ვიდრე სერიოზული რამ.
რაც ზუსტად ვიცით, ისაა, თუ ვინ იღებს რეალურ გადაწყვეტილებებს რუსული მხრიდან. და ჩვენ შესაბამისად ვიმოქმედებთ”. – თქვა ზელენსკიმ.
დღეს, 15 მაისს სტამბოლში დაგეგმილია უკრაინა-რუსეთის დელეგაციების შეხვედრა.
ადგილზე უკვე იმყოფებიან დაპირისპირებული მხარეების წარმომადგენლები.
შეგახსენებთ, რუსეთმა უკრაიანსთან მოლაპარაკებებისთვის დელეგაციის სია გამოაქვეყნა. კრემლის ცნობით, დელეგაციას უხელმძღვანელებს პრეზიდენტის თანაშემწე, ვლადიმირ მედინსკი.
რუსეთის დელეგაციას ასევე წარმოადგენენ საგარეო საქმეთა მინისტრის მოადგილე, მიხაილ გალუზინი, რუსეთის შეიარაღებული ძალების გენერალური შტაბის მთავარი სამმართველოს უფროსი, იგორ კოსტიუკოვი,თავდაცვის მინისტრის მოადგილე, ალექსანდერ ფომინი.
სიაში არ წერია ვლადიმერ პუტინი.
დელეგაციების შეხვედრამდე ზელენსკი თურქეთის პრეზიდენტს რეჯეფ თაიფ ერდოღანს შეხვდა.
როგორც აეროპორტში ჟურნალისტებთან საუბრისას ზელენსკიმ განაცხადა, უკრაინული მხარე უმაღლეს დონეზეა წარმოდგენილი.